1st Sinterklaas Funwalk
Diasabra ultimo “Aruba One Happy Island Lions Club” (OHIL Aruba) a organisa su prome actividad pa recauda fondo. E promer caminata cu Sinterklaas esta “1st Sinterklaas funwalk”. Miembronan di OHIL Aruba a logra bende mas di 600 ticket den corto tempo. Sinterklaas cu su Piet hopi cariñoso tabata presente pa cana hunto cu tur e participantenan, cual trajecto tabata alrededor di 4 kilometer. Na final di caminata tur participante a wordo ofreci fruta tanto appelsina como tambe patia. Pa refresca a parti pa tur awa y Nestea. A rifa un cantidad di premio entre e participantenan e.o. bonnan di massage na Spa, Dinner, Coremento riba Cabay y hopi mas.
“Aruba One Happy Island Lions Club” ta gradici tur esnan cu a coopera y hasi e actividad aki un exito. Tur persona y/o compania cu a cumpra ticket. Un danki special ta bay na tur e sponsornan, pa e premionan: De Palm Tours, Divi Resorts, Hilton Aruba Caribbean Hotel Casino & Spa, Rancho La Ponderosa, Manrique Capriles, Coconut Retail Store, Bix Brandsimport, Pa e frutanan nos danki na Fruteria Virgilio y pa e awa y juice un danki na Ray’s Water y na Bix Brandsimport pa e boternan di Nestea. No por keda sin lubida e bon cooperacion di MFA Noord, Sr. Marion Lopez y Shanee Management. Por ultimo un danki hopi grandi na IBISA pa e cooperacion grandi ricibi, Rode Kruis pa nan asistencia y Aruba Motor Unit pa a yuda guia e caminta pa tur cos bay den tur seguridad. Cu e fondonan ricibi OHIL Club Aruba lo sigui organisa su actividadnan na beneficio di nos comunidad y muy en particular esnan vulnerable. Keda pendiente pa e siguiente actividadnan di e club di servicio mas nobo aki na Aruba
