DIA DI BOLUNTARIO Y DIA INTERNACIONAL DI CLUBNAN LEO!
Aruba One Happy Island Lions Club” ta uni su mes na felicita tur boluntatio riba Dia Internacional di Boluntario, especialmente na tur Clubnan Leo na mundo, cu awe tambe ta celebra Dia Internacional di Clubnan Leo”. Clubnan Leo ta un programa patrosina pa Club di Leonan, caminda ta crea lidernan bao di nos hubentud, cu e lema Liderazgo Experiencia y Oportunidad.
Awe 5 di December nos ta recorda cu 60 aña pasa e promer Club Leo a wordo forma y asina brinda e oportunidad na hobennan pa desaroyo nan calidadnan di lider den nos comunidad.
Na 1957 Sr. Jim Graver tabata coach hobennan den un wega di bala
y e posibilidad ta cu e bala aki ta uno di baseball. Sr. Graver tabata e coach di baseball di Abington High School na Pennsylvania, Estados Unidos y tabata un miembro di Glenside Lions Club. Cu e ayudo di su compañero Leon, William Ernst, e promer club Leo a wordo funda riba 5 December 1957.
Como e promer Club di Leo na mundo, Abington High School Leo Club a crea e nomber Leo, cual ta deriva di Liderazgo, Igualdad y Oportunidad, na ingles Leadership, Equality and Opportunity. Nan a scoge e colornan maron y oro pa sirbi como e colornan di Clubnan Leo. Despues e palabra Igualdad a wordo cambia pa Experiencia.
Na 1967, e directiva di Club di Leonnan Internacional a adopta e programa di Clubnan Leo coomo un programa official di e asociacion. Cual prograna a bin ta crece pa e ultimo 50 añanan. Servicio na comunidad ta keda e meta principal di e programa. Manera nan contra partido, Miembronan di Clubnan Leo ta disfruta pa sirbi nan comunidad y aprecia e resultado postivo cu esaki ta trece cune.
“Aruba One Happy Island Lions Club”, e club nobo di Leonnan recien funda ta fruta di e di e hobenen cu den añanan 90 a lanta y forma parti di Leo Club of Aruba. Awe un gran cantidad di miembronan Leo di e tempo ey, ta fundadornan y miembro di e club nobo di Leonnan “Aruba “One Happy Island Lions Club”. E pasion pa sirbi nos comunidad y crea mas lider ta ancra den e curason di e miembronan di e club di Leon recien funda. Awe tambe kier gradici Aruba Lions Club cu e tempo ey a duna e hobennan e oportunidad pa por a forma parti di e club. Awe nos como club nobo ta sigui propaga y biba e lema “We Serve”!
