Paranda di Bochincha - Rode Kruis
Aruba One Happy Island Lions Club:
"SINT Y SU PIETNAN A PARTICIPA DEN PARANDA DI BOCHINCHA!"
Bunita actividad pa nos muchanan special.
- Nos club ta aplaudi iniciativanan pa envolvi nos muchanan special mas den nos comunidad. Pa e motibo aki den fin di Siman cu a pasa, Cruz Cora Aruba a organisa pa di 6 aña consecutivo e Paranda di Bochincha pa nos muchanan special. E aña aki, e recien funda club di leonnan, "Aruba One Happy Island Lions Club" tambe a duna di su parti y
asina e club a percura pa Sint y su Pietnan ta presente pa saluda, anima y treat e muchanan kendenan a keda Masha contento. Ademas a participa den e Paranda di Bochincha cu e aña aki e parada a conta cu mas di 80 truck, cual den cada truck tabata tin un of dos muchanan special. Tabata un actividad hopi bunita den cual e muchanan a goza un mundo. Sint y su Pietnan a expresa nan gratitud na tur esnan cu a coopera, e companianan cu a participa y contribiu cu nan truck- y chofernan pa asina haci e actividad e aña aki otro exito rotundo. Ademas un danki na tur esnan cu a para banda di caminda y a saluda y aplaudi nos muchanan special. Otro aña sigur Aruba One Happy Island Lions lo tey atrobe cu Sint y Pietnan.
