ARUBA ONE HAPPY ISLAND LIONS CLUB TA UNI NA E LUCHA CONTRA DIABETIS

Kico ta e malesa diabetes?

Diabetis ta un condición crónico cu ta ocuri na momento cu e curpa humano no ta produci of no por absorbe insulina suficiente. E malesa diabetis ta wordo considera un epidemia mundial. Actualmente na mundo tin 422 miyon persona cu ta sufri di diabetes y pa 2040 ta premira cu esaki lo bira 642 miyon persona.

Club di Leonnan Internacional no ta keda man cruza den nan lucha contra diabetes y lo haci lo mas cu nan por pa preveni y trata e malesa di diabetis.

Pakico nos mester lucha?

E malesa diabetico ta afecta e persona, e famia y e comunidad, incluyendo nos sernan queri. Estadisticanan ta abrumador, pero nos lo por cambia esaki cu nos esfuerso pa crea un concientizacion pa prevencion y tratamento.

Según cifranan cada 7 seconde un persona ta muri di diabetes mundialmente. Diabetes ta di 6 causa di mortalidad mundiamente, como tambe e ta e di 6 causa di mortalidad di hende muher mundialmente. Anualmente ta muri 5 miyon persona pa motibo di diabetes. Un 50% di esnan cu tin diabetis no sa mes cu nan tin e malesa. 77% di esnan cu ta sufri di e malesa di diabetes ta biba na paisnan cu entrada abao y mediano.

E 5 areanan di enfoke ta:

• Diabetes

• Visión

• Hamber

• Medio ambiente

• Cáncer pediátrico

E visión di Lions Club International ta pa preveni diabetes y mehora e calidad di bida di esnan diagnostica cu e malesa di diabetes.

Nos organización tin como meta:

1) Educa nos mes y educa nos comunidadnan.

2) Crea un ambiente cu ta inpira y apoya un estilo di bida saludabel.

3) Ofrece e mayor acesibilidad na tratamento, medicina y equiponan di diagnostico.

4) Yuda implementa e maneho y plannan nacional riba e malesa di diabetes.

Strategianan ta lo siguiente:

• Prevención

• Control

• Investigación

Den su campaña di prevencion Aruba One Happy Island Lions Club ta promove na nos comunidad pa adopta un estilo di bida saludabel. Esaki ta posibel door di mantene e peso normal, practica ehercicio regularmente y come cuminda y pasaboca saludabel. Como parti di e programa di concientizacion y hiba un bida saludabel dia 2 di December proximo Aruba One Happy Island Lions Club lo ta organisando su 1st Sinterklaas fun walk caminda henter famia por participa, tanto Mayornan como yiunan. E caminata aki lo sali for di MFA Noord y lo ta di casi 5 kilometer. Lo tin awa y fruta pa e participantenan. E caminata aki lo tin participacion di Sinterklaas y su Pietnan. Den e siman nos dilanti lo sali mas informacion den medionan.